old.avtoplus.mk

Renault ќе ги освежи Kadjar и Megane

Францускиот производител Renault ќе им понуди на своите клиенти нови верзии на два од своите модели од постоечката гама - Kadjar и Megane, кои треба да ја задржат конкурентноста и освојат нови потенцијални купувачи.

Освежената модификација Megane Limited, чија цена стартува од 21.600 евра, ќе нуди претежно екстериерни подобрувања. Меѓу нив се 17-инчни тркала Dark Anthracite Exception, странични ретровизори во боја Etoile Black и специјална ознака, која треба на издвојува Megane Limited од обичниот модел. Меѓу останатите понудени нови елементи за хечбекот се компактниот R-Link со 7-инчен дисплеј, електронска рачна сопирачка и електрични странични ретровизори. Сите овие додатоци ќе се нудат за верзијата со повисоко ниво на опрема на моделот.

Главната новина кај SUV-моделот е 1,6-литарски бензински турбомотор Energy Tce, кој генерира 163 КС и 240 Nm вртежен момент. Во комбинација со него ќе се користи шест-брзински мануелен менувач. Оваа иновација ќе е достапна само за верзиите Intens и Black Edition, чии цени стартуваат од 30.400 евра.

Популарно оваа недела

 

Анкета

Дали сакате повторно да има АУТОЕКСПО, саем на автомобили во Скопје?!

 Сакам да има !

 Не сакам да има !